【正宗非洲海底椰 身價大飛升】

如果你有去google搜尋非洲海底椰，一定可以搵到同昌的介紹；如果你還以為售價與昔日相若，如題所言， 正宗非洲海底椰身價大飛升！
打從2017年中開始，受出產國---非洲塞舌爾共和國的限制出口令，出現長達半年的斷貨期。如果你也在此期間向我們查詢過，我們的答案都是「冇貨」！
直至2018年1月，才開始回復供應，但非常限量，全由供應商配給，來貨價亦大幅攀升。假如你有重溫舊文，2017年2月時寫過，正宗非洲海底椰的售價分別是$3,200一斤（散片）和$3,800一斤（齊片）；不過大家都不知道海底椰經歷過半年斷貨加限制出口，一聽新價錢就嚇一跳，所以才寫這篇文章向大家解釋。今日我們獲配給的來貨價，已經貴過同昌一年前的零售價，新價又點會唔嚇親人。
而且，想在同昌買到正宗非洲海底椰，真係要講緣份，唔係一定有，因為真係好少貨。
至於呢一刻，正宗非洲海底椰賣幾錢呢？答案是我都唔知，因為無貨，一般我們寫得出來的價錢，都係實貨價，有貨才有價。

不過，今日最想講一點，人人都問正宗非洲海底椰有冇貨，其實不見得人人都識得何謂正宗非洲海底椰，例如最多人問，有冇「原片正宗非洲海底椰」？
1️⃣第一，大家經常搞錯一點，正宗非洲塞舌爾海底椰，在過去幾十年，在業內分為「齊片」及「散片」兩種，兩種都是原片的。齊片是一扎一扎的，散片是零碎散開，帶有碎片。
2️⃣第二，兩者都是出自原個海底椰，位置較佳的，可以切出一片一片再齊口扎起的叫「齊片」，切剩的原片就不能扎起，所以叫散片。齊片會比散片厚身一點。而一個非洲海底椰可以刨出的齊片係少過散片好多，所以通常大家都只會見到散片，較少見到齊片。亦因為貨疏加罕有，齊片的價錢已經大幅拋離散片，兩者價格差距今非昔比。
3️⃣第三，無論齊片定散片，大家都是海底椰，提供的功效都是一樣。不過齊片位置較佳，功效較高，散片相對功效較低，但已經相當有用，只係齊片層次更高，價錢亦反映了其層次。

相片中有齊片同散片，方便大家辨別。至於散片因碎片多，只會令飲用時麻煩一點，因為海底椰不能食用，硬硬的像鉛筆的刨花，燉完要隔渣，齊片容易揀出來，散片就難揀一點。

海底椰用法其實簡單，只有一個重點 － 用量：「每次用一兩」是基本。用量不足，功效大減，只怕浪費了這受保護而產量少的非洲海底椰，因為非洲每年限量出口海底椰，不是說有就有，現貨量也不多，家有小兒可備貨。

★椰椰椰清潤化痰止咳湯★
材料：非洲海底椰1兩、普通椰子1個、印度椰子1個、南北杏、白蓮、百合、美國L無花果3粒、瘦肉、水5-6公升
做法：所有材料略洗，普通椰子、印度椰子切片(一般街市檔可代勞)；美國L無花果切片；瘦肉汆水。所有材料落煲加水，煲2-3小時，完成。
功效：普通椰子(外有毛內有水)、印度椰子(如手掌大小)清熱潤肺，美國無花果滋潤，但要有化痰止咳功效，一定要用非洲海底椰，而且是正宗非洲海底椰才有效，亦是整個化痰止咳湯的靈魂。
街市有售如椰果般的並不是海底椰，而是棕櫚果，另外有一款圓乾片狀的也是棕櫚果而成，同樣沒有非洲海底椰的化痰止咳功效。
味道：非常清新，毫不滯膩，卻暗藏無限椰香，滑落喉嚨一刻感覺暢快舒服，即使不為化痰止咳，也美味非常。

★非洲海底椰蘋果雪梨南北杏無花果瘦肉湯★
材料：非洲海底椰1兩、蘋果、雪梨、南北杏、美國無花果、瘦肉
做法：所有材料洗淨 ; 蘋果、雪梨切件去核 ; 無花果剪開 ; 將全部材料放入煲內，煲約2－3小時，完成

📲直接點擊可whatsapp我們購買及安排速遞送貨：https://goo.gl/PWNsFN

==================================
【同昌海味 創於一九七一年】 http://tungcheong.blogspot.hk/
【Whatsapp訂購電話】 55 437 439
【地址】西營盤德輔道西149號地下，MTR西營盤站A2出口對面
【電話】25498100 【營業時間】0800-1730 【IG：tungcheongho】
【同昌海味手機App應用程式】
【Android手機下載同昌海味App：https://goo.gl/b5N6I3】
【蘋果iOS下載同昌海味App：https://goo.gl/Wh53WS】
#同昌海味