【大節日來臨 溏心鮑魚以待 重溫傳統炆鮑魚大法】

籌備年末新歲大餐的日子又來了！傳統的廚房，奶奶都會教初歸新抱炆餸，但這個薪火相傳的傳統，怕且沒有多少家庭能繼承。傳統炆鮑魚大法面臨失傳危機，因此每年必定與大家重溫傳統炆鮑魚大法，又文字又影片，盡己力讓這傳統方得以流傳。

慶幸數年下來，不少年輕一輩有圖有真相地告訴我們，跟足教授的傳統炆鮑魚大法，縱使新手上場，也一次成功煮出一盤又一盤溏心靚鮑，望著你們的鮑魚靚相，老買手心滿意足，也更有動力為大家搜羅優質日本吉品乾鮑。

日本乾鮑材料，由平至貴，推介幾款給各位：
50頭皇冠吉品鮑，每斤$3680，平均$74/隻，半斤起
42頭皇冠吉品鮑，每斤$3980，平均$95/隻，半斤起
炆鮑魚上級之選：
35頭神野吉品鮑，每斤$5000，平均$143/隻，半斤起
25頭岩手吉品鮑，每斤$7800，平均$312/隻，半斤起
25頭神野吉品鮑，每斤$9800，平均$392/隻，半斤起
炆鮑魚究極推介：
18頭岩手吉品鮑，每斤$23800，平均$1322/隻，半斤起

以下為海味街秘傳方式，大家可以參考一下：

炆餸湯底用料：
一隻3斤重新鮮老雞（開四件），$100炆餸用靚肉排，10隻雞腳、一隻乳豬頭斬件，半隻燒鴨或燒鵝免斬，$30燒臘鋪燒骨，豬油膏一件（現代人怕肥，可免）

用具：
靚砂煲一大個（現代人已經轉用Le Creuset、Staub一類鐵鑄煲）及竹籬一片

做法：
1. 將半隻燒鴨或燒鵝，連12公升水煮上湯，水滾轉慢火煲1小時即成。如炆餸過程中上湯不夠，可將燒鴨翻煲再做上湯。這上湯比用水炆更加入味之餘，還有一股惹味香氣糾纏著乾鮑。
2. 將豬油膏先放在砂煲底（或鐵鑄煲底），除了可預防炆餸燶底（一燶便失敗），豬油亦可將乾鮑變得更滑溜；然後在豬油膏上放竹籬。怕肥者，乾脆不落豬油膏，就在煲底墊上竹籬。
3. 在竹籬上鋪滿排骨，在排骨上鋪上鮑魚，再將雞腳、乳豬頭件、燒骨鋪在乾鮑上面，最後鋪上四件老雞件。
4. 將燒鴨湯注入煲內，直至剛剛浸過雞身。便可以開火炆，待水滾後轉慢火，先炆4小時，然後熄火焗8小時，期間不要揭蓋。
5. 然後開火再炆3小時，又熄火焗8小時；炆鮑魚期間如水量下降，即加燒鴨湯，保持水位；最一共用火炆大約20小時（最後一次不用焗），乾鮑便會又腍又入味！
6. 趁熱，將鮑魚再煲中夾出，準備一個平底鑊，將湯汁倒在平底鋪上，加上鮑魚，用慢火扣，反覆將湯汁淋在鮑魚身上，直至湯汁收水變得濃稠便完成，連汁連鮑魚一同上碟。
7. 剩餘的炆餸煲可以用來粒花膠、海參、冬菇，炆個45分鐘，就成為「鮑汁花膠海參燴冬菇」！
==================================
【同昌海味 創於一九七一年】 http://tungcheong.blogspot.hk/
【Whatsapp訂購電話】 55 437 439
【地址】西營盤德輔道西149號地下，MTR西營盤站A2出口對面
【電話】25498100 【營業時間】0800-1730 【IG：tungcheongho】
【同昌海味手機App應用程式】
【Android手機下載同昌海味App：https://goo.gl/b5N6I3】
【蘋果iOS下載同昌海味App：https://goo.gl/Wh53WS】
#同昌海味 #日本吉品乾鮑始終是最好  #完美頂角溏心 #籌備年末新歲大餐 #傳統炆鮑魚大法之傳承