【乾瑤柱通識科 原粒 vs 貝碎 點揀？】

去海味鋪買乾瑤柱，真係會睇到人眼花瞭亂，不同大小之外，仲有原粒同乾瑤柱碎可以選擇，作為一般普通用家，應該怎揀選？

呢一堂乾瑤柱通識科，由最多人關心的問題開始：到底買原粒乾瑤柱定乾瑤柱碎好？

好多客人心中都會抱住一個信念，反正乾瑤柱煲湯、煲粥或煮食後，都會碎開成一條條乾瑤柱絲，當然買乾瑤柱碎最正路，反正價錢平過原粒乾瑤柱，唔通同自己個銀包作對咩？

所以這一堂通科，會深入分析俾大家知原粒乾瑤柱同乾瑤柱碎的分別，或者會扭轉你過往的既定觀念。

首先要認清，點解會有乾瑤柱碎出現？成因有以下以2大情況：

1. 原粒乾瑤柱在入箱包裝時，意外地由原粒撞碎了。或者在入箱後，搬運過程中被撞碎，乾瑤柱碎全屬意外而成。

2. 鮮貝在起殼時，原本是原粒，在製乾的過程中，並不能成型，散掉碎開，成為乾瑤柱碎。

兩者的最大分別，是（1）原本是原粒的優質乾瑤柱，卻意外地被外力弄碎；而（2）是根本從未原粒過，因為品質問題，一始就是乾瑤柱碎。

所以買乾瑤柱碎，梗係買（1）好過買（2）。

不過你精，日本海產師傅亦不苯，根本是碎的乾瑤柱碎，會被集中收集，按大小分為B1（大粒的Broken）、B2（中粒的Broken）及B3（細粒的Broken）三個級別，包裝入箱發售。在這裏，B是指Broken（碎），並不是指B Grade（次貨）；而原粒的，便會按乾貨重量分為GL、LL、L、M、S、SA、SAS及4S，一共8個大小級別。

而你們在任何一間海味鋪見到的一大包碎乾瑤柱，就是B1、B2及B3貨，亦是大部份人口中，「買碎好過買原粒」的碎乾瑤柱，這些貨，就是「根本是碎的乾瑤柱碎」，因為鮮貝的營養及蛋白質不足以維持其成為乾貨後保持原粒的能力，品質是高是低？不用我畫出腸吧。

頭先講過，有些乾瑤柱碎是因搬運、包裝時意外由原粒靚貨弄碎的，從何而來的呢？話說，一箱原裝重33.33斤的乾瑤柱，從北海道經水路送到香港的海味鋪門市，開箱檢查後，會約有8-12兩碎貝，都是因搬運、包裝而得出，屬於合理可接受範圍；如果一箱有超過一斤，甚至多達二斤碎乾瑤柱，對海味鋪而言，可謂損失慘重。點解？如果門市散客買一斤原粒乾瑤柱，有多達5-6%的貨是碎的，肯定被投訴，話你呃秤、黑店、報消委會。於是，老字號的做法，就是有苦自己知，唯有執起這些「意外的乾瑤柱碎」，以低於原粒貨少許的價錢發售。有些去得多海味鋪的客人，細心一點便會留意到，有時會有一小包「乾瑤柱碎」，放在原粒乾瑤柱的旁邊，售價平過原粒一點點，但貴過乾瑤柱碎很多，這些「神秘的乾瑤柱碎」，就是出自旁邊的原粒乾瑤柱，亦是最靚的乾瑤柱碎，因為它「曾經原粒過」，是優質的貨，不過以意外地碎了。（我們的心也碎了）

唔好意思，要大家睇咁多字，不過若要清楚解釋原粒乾瑤柱同乾瑤柱碎之別，的確要這麼長篇。

不知道你們睇完之後，會否衝擊到你們固有的思想。如果是聰明的你，可能會問我：「到底你會點揀？」

請先熟讀這個列表：

大粒乾瑤柱 --->  GL、LL、L

中粒乾瑤柱 --->  M、S

細粒乾瑤柱 --->  SA、SAS、4S

將大粒乾瑤柱碎和大粒乾瑤柱比較，一定係原粒比碎優勝，亦即是，將同等大小的原粒和乾瑤柱碎相比，原粒 > 碎。不過大粒碎和細原粒比，大粒碎會比細原粒佳，這是其先天品質問題，所以要比，一定要同級比，誇級別又會有差異，不是公平的比併。

更多日本乾瑤柱的知識：

何謂自用瑤柱？：http://tungcheong.blogspot.hk/2016/02/blog-post_15.html

跟老買手學揀靚乾瑤柱：http://tungcheong.blogspot.hk/2015/10/blog-post_24.html

2016年5月價：（請注意，日圓匯價不斷攀升，價格受匯率波動，隨時加價，一切以門市標價，或Whatsapp報價為準）

北海道L1（壹等大碼）乾瑤柱，$1280一斤，約68粒

北海道M1（壹等中碼）乾瑤柱，$1020一斤，約88粒

北海道S1（壹等細碼）乾瑤柱，$820一斤，約108粒

北海道SA1（壹等加細碼）乾瑤柱，$660一斤，約148粒

北海道SAS1（壹等加加細碼）乾瑤柱，$580一斤，約200粒

北海道B1（B指broken，非B grade）大粒乾瑤柱碎，$780一斤

北海道B2（B指broken，非B grade）中粒乾瑤柱碎，$640一斤

給睇到最後的讀者（這篇文章的彩蛋）：作而作為一個自細在海味堆長大的食家，我從不買乾瑤柱碎自用，就是我的答案。

==================================

【同昌海味 創於一九七一年】 http://tungcheong.blogspot.hk/

【Whatsapp訂購電話】 55 437 439

【地址】西營盤德輔道西149號地下，MTR西營盤站A2出口對面

【電話】25498100 【營業時間】0800-1730 【IG：tungcheongho】

【同昌海味手機App應用程式】

【Android手機下載同昌海味App：https://goo.gl/b5N6I3】

【蘋果iOS下載同昌海味App：https://goo.gl/Wh53WS】

‪#‎同昌‬ ‪#‎海味‬ #乾瑤柱 #元貝 #日本 #原粒貝碎點揀好