【同昌海味 當年今日】

好多顧客都被 同昌海味 的FB粉絲專頁型像誤會，以為我們是一間新派海味鋪，結果當你們親自去到同昌門市，大都不敢相信眼前相當七十年代的古舊店面，然後用懷疑的語氣去問：「你地係咪有facebook個間同昌海味？」

我地唔止facebook，連手機app都有，更加令顧客難以致信！我地會出手機app的原因，係方便大家重溫海味的浸發方法，烹調海味的傳統方式，將你部手機變成「海味字典」（賣下廣告：我地有app下載，免費 【Android手機下載同昌海味App：https://goo.gl/b5N6I3】【蘋果iOS下載同昌海味App：https://goo.gl/Wh53WS】）

仲有Instagram呢！等大家在不同的社交媒體上都搵到我們的消息！再賣廣告：同昌海味IG：tungcheongho，有IG的，請幫手follow。

時光倒流到1971年，同昌海味選擇在海味街較少海味鋪的單數（我們位於149號地鋪，對面雙數比較多海味鋪），因為149號在海味街剛剛落成，係全條街最新的大廈，當年在最新的大廈地鋪開「最新式」的海味店。（據講）當年好多客人都特登幫襯同昌，因為「夠大夠新夠靚」。

同大家講當年，因為做人最忌只顧當年勇，最新最潮都會變最舊最殘，往事只可以做飯後甜品。

當你係第一個傳統海味鋪開FB page，就會有第二第三個跟住做；當你係第一個傳統海味鋪有手機app，又會有第二第三個跟住做。唔變通，點捱過45年？

有行家話，你將海味價錢公開，又教人分優辨劣，人地學識又唔會幫襯你，其他行家跟你個價開低幾個價位又食住你，咁蝕底你都做？
我話，做唔成生意都可以交個朋友，係咪？

同埋，你將客人當係傻瓜，即係趕走自己D生意，自己又唔係做偷呃拐騙生意，點解要將侮辱客人的智慧？

所以都話，老買手最挑通眼眉：「細路，咁多人睇實你，你一行差踏錯，隨時無命！」我信，一個負評，足以致命。所以，同昌海味永遠都會有可進步空間，因為幾老土都知，不進則退。有你地咁多位睇實，不敢造次、放肆。

一盤生意可以行45年，期間仲有咁多風浪，真係唔容易，兩代人咬實牙關先頂得住。唔敢講可唔可以再行多45年，不過你唔肯進步、只識安守目前的安逸，捱多四年都嫌多。

‪#‎同昌海味 ‪#‎45周年 ‪#‎1971年創立 ‪#‎45周年感謝祭
===================================
【同昌海味 創於一九七一年】 http://tungcheong.blogspot.hk/
【Whatsapp訂購電話 55 437 439】
【地址】西營盤德輔道西149號地下，MTR西營盤站A2出口對面
【電話】25498100 【營業時間】0800-1730
【IG：tungcheongho】
【同昌海味手機App應用程式】
【Android手機下載同昌海味App：https://goo.gl/b5N6I3】
【蘋果iOS下載同昌海味App：https://goo.gl/Wh53WS】